Aşağı yaş qruplarında AFFA-nın təşkil etdiyi liqalarda növbəti turun oyunlarına start verilib.U-16 Liqasında XIII turun oyunları keçirilib.”Neftçi İdman Klubu”nun on altı yaşlılardan ibarət komandası birinci dövrənin və bu ilin son turunda “Səbail”lə üz-üzə gəlib. Lökbatan qəsəbəsindəki Qaradağ Təlim-İdman Bazasının stadionunda təşkil olunan qarşılaşmada komandamız 4:3 hesabı ilə qalib gəlib. Rəqibin qapısına vurulan qollardan ikisinə Fərid Şahüseynli imza atıb. Digər futbolçularımız – Nahid Əlizadə və Mehdi Haşımov isə hərəyə bir dəfə fərqləniblər.Beləliklə, bu qələbə sayəsində xallarının sayını 27-yə yüksəldən Şahin Şahüseynlinin yetirmələri qış fasiləsinə turnir cədvəlinin lideri kimi yollanıblar.