Bu gün futzal üzrə Badamlı Azərbaycan kubokunun final oyunu keçirildi. Bakı İdman Sarayında təşkil olunan həlledici qarşılaşmada “Neftçi İdman Klubu” “Alyans Qrup” komandası ilə üz-üzə gəldi. Təmsilçimizin aşkar üstünlüyü şəraitində keçən matç futzalçılarımızın 6:2 hesablı qələbəsi ilə başa çatdı və komandamız Azərbaycan kubokunun qalibi adını qazandı.Qeyd edək ki, bir qədər sonra elə həmin məkanda qalib və mükafatçıların təltifetmə mərasimi keçiriləcək.Xatırladaq ki, “Neftçi İdman Klubu” Yüksək Liqada 2021/2022 mövsümünün bürünc medalına layiq görülüb.