«Neftçi İdman Klubu» neft, qaz və kimya sənayesi müəssisələrinin işçiləri arasında növbəti piyada turizm yarışı keçirib. Quba rayonunda təşkil olunan və üç gün davam edən turnirdə «Azərkimya» İstehsalat Birliyi, Sosial İnkişaf İdarəsi, Geofizika və Geologiya İdarəsi, “Neftqaztikinti” Tresti və Neft Kəmərləri İdarəsinin komandaları iştirak ediblər.Ümumi nəticələrə görə, “Azərkimya” İstehsalat Birliyinin komandası yarışın qalibi olub. Neft Kəmərləri İdarəsi 2-ci, Sosial İnkişaf İdarəsinin komandası isə 3-cü yeri tutub.Qalib və mükafatçı komandaların üzvlərinə “Neftçi İdman Klubu” tərəfindən diplom və xatirə hədiyyələri təqdim olunub.