Türkiyənin İstanbul şəhərində gənc cüdoçular arasında keçirilən Avropa kuboku yarışına yekun vurulub.
“Neftçi” İdman Klubunun yığma komandamızın heyətində yer alan təmsilçisi Nihad Məmişov turnirin mükafatına layiq görülüb. Altmış kiloqram çəki dərəcəsində mübarizə aparan idmançımız bürünc medal qazanaraq fəxri kürsünün üçüncü pilləsinə qalxıb.