Türkiyənin Kocaeli şəhərində Yaşar Doğu, Vehbi Əmrə və Hamit Kaplanın xatirə turnirinə yekun vurulub.
Ənənəvi yarışda “Neftçi” İdman Klubunun üç təmsilçisi fəxri kürsüdə yer alıb.
Yunan-Roma güləşçilərimizdən Nihat Quluzadə (60 kq) yalnız final görüşündə məğlubiyyət acısı yaşayıb və turniri ikinci pillədə başa vurub.
Qadın güləşində Elnurə Məmmədova (53 kq) eyni uğuru təkrarlayaraq gümüş medal qazanıb. Digər xanım idmançımız Birgül Soltanova (62 kq) isə üçüncü yeri tutub.