Futbol üzrə Azərbaycan çempionatının I Divizionunda X turun oyunları keçirilir.Bu turda “Qaradağ Lökbatan” komandasının rəqibi “Bakılı” olub. “İnter Arena”da təşkil olunan oyun komandamızın üstünlüyü şəraitində keçib. Matçın 39-cu dəqiqəsində Sabir Allahquliyev hesabı açıb və komandamızı önə çıxarıb. Birinci hissənin sona çatmasına iki dəqiqə qalmış futbolçularımız rəqibi növbəti dəfə mərkəzə dəvət ediblər. Bu dəfə Rüfət Məmmədov adını tabloya yazdırıb. Qarşılaşmanın 72-ci dəqiqəsində “Bakılı” komandası Timur Dadaşovun dəqiq yerinə yetirdiyi penalti sayəsində hesab arasındakı fərqi birə endirib – 1:2. Oyunun 80-ci dəqiqəsində Rüfət Məmmədov yenidən meydanı coşdurub. Onbirmetrlik cərimə zərbəsini qola çevirən futbolçumuz özünün ikinci, komandasının isə üçüncü qoluna imza atıb. Beləliklə, qarşılaşma “Qaradağ Lökbatan”ın 3:1 hesablı qələbəsi ilə yekunlaşıb.