Qətərin paytaxtı Dohada keçirilən “World Masters” turnirinə yekun vurulub.”Neftçi İdman Klubu”nun Azərbaycan millisinin heyətində yer alan cüdoçularından ikisi mötəbər turnirin gümüş medalını qazanıb.Yetmiş səkkiz kiloqram çəki dərəcəsində mübarizə aparan xanım təmsilçimiz İrina Kindzerska həlledici mərhələdə fransalı Romana Dikkoya məğlub olaraq ikinci yeri tutub. Digər idmançımız Zelim Kotsoyev (100 kq) də finalda eyni aqibəti yaşayıb. Belə ki, gürcüstanlı Varlam Lipertalianla bacarmayan yetirməmiz nüfuzlu yarışın gümüş medalına layiq görülüb.Xatırladaq ki, Tokio Olimpiadasına lisenziya xalları verən turnirdə 69 ölkədən 399 cüdoçu (215 kişi, 184 qadın) mübarizə aparırdı.