Sablya üzrə qadınlardan ibarət Azərbaycan milli komandası Türkiyənin Konya şəhərində keçirilən V İslam Həmrəyliyi Oyunlarında final görüşünə çıxıb. Anna Başta, Sevil Bünyatova, Səbinə Kərimova və Valeriya Bolşakovadan ibarət yığmamız qızıl medal uğrunda mübarizədə Özbəkistan millisi ilə qarşılaşıb. Rəqibinə 45:34 hesabı ilə qalib gələn Azərbaycan komandası İslamiadanın qalibi olub.Qeyd edək ki, millimizin heyətində yer alan sablyaçılardan Səbinə Kərimova və Sevil Bünyatova “Neftçi İdman Klubu”nun təmsilçiləridir.