“Neftçi İdman Klubu”nun təşkilatçılığı ilə keçirilən 20 sentyabr – Neftçilər gününə həsr olunmuş SOCAR-2022 mini-futbol turnirinin birinci turuna yekun vuruldu. Bakı Olimpiya Stadionunun örtülü meydançlarında təşkil olunan yarışda turun ilk günü qarşılaşmaların heç birində heç-heçənin qeydə alınmaması ilə marağa səbəb olmuşdusa, sonuncu gün daha çox böyükhesablı qələbələrlə yadda qaldı.Qeyd edək ki, neft, qaz və kimya sənayesinin işçiləri arasında təşkil olunan yarış 13 avqust – 19 sentyabr tarixlərində hər həftənin şənbə və bazar günləri olmaqla (14 sentyabrda çərşənbə günü yarımfinal oyunları və 19 sentyabrda bazar ertəsi günü final oyunu istisna olmaqla) saat 10:00-dan etibarən Bakı Olimpiya Stadionunun örtülü meydançalarında keçirilir.Turnirdə I, II və III yeri tutmuş komandalar, eləcə də “ən məhsuldar oyunçu”, “ən əzmkar oyunçu” və “ən yaxşı qapıçı” nominasiyaları üzrə qalib olmuş futbolçular SOCAR-ın diplomları, “Neftçi İdman Klubu” İctimai Birliyinin müvafiq dərəcəli mükafatları, medalları və kubokları ilə təltif ediləcəklər.Birinci turun son gününün nəticələrini təqdim edirik:SOCAR Dounstrim – Təhlükəsizlik İdarəsi – 0:7Nəqliyyat İdarəsi – Marketinq və İqtisadi Əməliyyat İdarəsi – 13:2Karbamid Zavodu – Kompleks Qazma İşləri Tresti – 8:1SOCAR Midstrim – SOCAR Apstrim – 1:2″Neftqazelmitədqiqatlayihə” İnstitutu – Bakı Ali Neft Məktəbi – 1:2Təlim, Tədris və Sertifikatlaşdırma İdarəsi – SOCAR baş ofis – 0:0″Neftqaztikinti” Tresti – Bakı Gəmiqayırma Zavodu – 3:1Geofizika və Geologiya İdarəsi – “Azərkimya” İB – 3:3