Bu gün SOCAR-ın dəstəyi və “Neftçi İdman Klubu”nun təşkilatçılığı ilə neft, qaz və kimya sənayesi işçiləri arasında keçirilən SOCAR-2022 mini-futbol turnirinə yekun vurulub.Avqustun 13-də start götürən və 32 komanda tərkibində 400-ə yaxın neftçinin iştirak etdiyi bu yarış son illərdə neftçilər arasında rekord göstəriciyə malikdir. Təbii ki, tədbirin belə genişmiqyaslı hal alması SOCAR rəhbərliyinin bədən tərbiyəsi və idmanın inkişafına, eləcə də neftçilərin sağlamlığının qorunmasına göstərdiyi xüsusi diqqət və qayğının açıq təzahürüdür.Bakı Olimpiya Stadionunun örtülü meydançasında təşkil olunan tədbirdə SOCAR-ın kadr, rejim və informasiya texnologiyaları üzrə vitse-prezidenti Xalik Məmmədov və sosial məsələlər üzrə vitse-prezident Bədəl Bədəlov iştirak ediblər.Öncə ölkəmizin ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. Ardınca Azərbaycan Respublikasının Dövlət Himni səsləndirilib. Daha sonra həlledici final qarşılaşmasına start verilib. Bu görüşdə SOCAR-Dounstrim komandası ilə Təhlükəsizlik İdarəsinin komandası üz-üzə gəliblər. Çox maraqlı və gərgin idman mübarizəsi şəraitində keçən oyunda SOCAR Dounstrim komandası rəqibini 2:1 hesabı ilə məğlub edib və SOCAR-2022 mini-futbol turnirinin qalibi adını qazanıb. Turnirin bürünc medallarına isə “Azneft” İstehlat Birliyi və SOCAR-AQŞ komandaları layiq görülüblər.Final oyunundan sonra mərasimdə Xalik Məmmədov çıxış edib.Sonda mükafatlandırma mərasimi keçirilib. Hakimlərə, “ən məhsuldar oyunçu” və “ən yaxşı qapıçı” nominasiyaları üzrə qalib olmuş futbolçulara, eləcə də 1-ci, 2-ci və 3-cü yerləri tutmuş komandalara mükafatlar təqdim olunub.