Azərbaycan Basketbol Liqasının V turu çərçivəsində “Neftçi” və “LANDAU Lions” komandaları üz-üzə gəlib. Bakı İdman Sarayında baş tutan günün mərkəzi qarşılaşması gərgin mübarizəyə səhnə olub. İlk dəqiqələrdən qarşılıqlı hücumlar və yüksək temp altında keçən matçda tərəflər meydanda rəqabəti son saniyələrə qədər qoruyub saxlaya biliblər. Hər iki komandanın baş məşqçisinin taktiki gedişləri və basketbolçuların meydandakı əzmkar mübarizəsi görüşün gərginliyini daha da artırıb. Bununla belə, hücumda və müdafiədə daha az fərdi səhvlərə yol verən “Neftçi” güclü rəqibini 86:84 hesabı ilə məğlub edib.