Macarıstanın Kiskunfeledhaza şəhərində keçirilən pauerliftinqin AWPC/WPC versiyası üzrə açıq Avropa çempionatı sona yetib. Yarışda Azərbaycan, Fransa, Seneqal, Finlandiya, İtaliya, Misir, Moldova, Gürcüstan, Macarıstan, Slovakiya, Portuqaliya, İngiltərə, Serbiya və digər ölkələrdən 700-ə yaxın idmançı qalib adı uğrunda mübarizə aparıb.”Neftçi İdman Klubu”nun mötəbər turnirdə çıxış edən təmsilçisi Elmir Tarverdiyev (60 kq) böyük uğura imza atıb. İdmançımız pauerliftinqin 3 hərəkətinin cəmində 470 kiloqram nəticə göstərərək liderliyə yüksəlib və mütləq Avropa çempionu tituluna sahib olub.