Bu gün futbol üzrə Azərbaycan I Divizionunda XIX turun oyunlarına start verilib.”Qaradağ Lökbatan” bu tur çərçivəsində “Qarabağ-2” komandasını qəbul edib. Lökbatan qəsəbəsindəki Qaradağ Təlim-İdman Bazasının stadionunda keçirilən qarşılaşma təmsilçimizin 1:0 hesablı qələbəsi ilə başa çatıb. Görüşdə vurulan yeganə qolun müəllifi Urfan İsmayılov (90+4) olub. Futbolçumuz 11 metrlik cərimə zərbəsini dəqiq yerinə yetirərək fərqlənib.